सावित्रीबाई फुले

भारतातील पहिल्या स्त्री शिक्षिकांपैकी एक. पती ज्योतिराव फुले यांच्यासह त्यांनी १८४८ साली पुण्यात मुलींसाठी शाळा सुरू केली.

शाळेत जाताना त्यांच्यावर शेण आणि दगड फेकले जात; त्या सोबत दुसरी साडी घेऊन जात असत. विधवांसाठी आश्रय, बालहत्या प्रतिबंधक गृह आणि सत्यशोधक समाजाचे कार्य त्यांनी चालवले.

‘काव्यफुले’ हा त्यांचा कवितासंग्रह. प्लेगच्या साथीत रुग्णांची सेवा करताना त्यांना लागण होऊन त्यांचे निधन झाले.