मुख्य मजकुराकडे जा
WhatsUp मराठी कोश
—
जयजयजी मदनांतक गौरीशंकरा

भक्ती

जयजयजी मदनांतक गौरीशंकरा

Jayjayji Madanantak

जयजयजी मदनांतक गौरीशंकरा ।पंचारती करितो तुज हे महेश्वरा ।। धृ ।।
व्याघ्राम्बर अंगी तू नित्य सेविसी ।रुंडमाळ कंठीं असे मस्तकी शशी ।।गिरीजा तव वामांकी शोभते तशी ।भस्मप्रिया भूतपते इंदुशेखरा ।। १ ।।
बहु दुर्जन त्रिपुर दैत्य प्रबल जाहला ।हरीविधिसह विबुध पिडुनी त्रास दिधला ।।तेव्हा ते अति भावे स्तविती मग तुला ।त्रिपुरासूर वधुनी सुखी करिसी सुरवरा ।। २ ।।
एकवीस स्वर्गाहुनी उंची तव अति ।सर्वेशा दाता तू सदगतीप्रति ।।तव लीला वर्णनासी अल्प मम मती ।विठ्ठलसुत विनवितसे रक्षि किंकरा ।। ३ ।।

शब्दार्थ

या भागात येणारे जुने मराठी शब्द.

तुज
— तुला
जाहला
— झाला

ओळीवर टॅप केल्यास ती ठळक होते — कुठे आहात ते सापडावे म्हणून.

चित्र: A version from the Ravi Varma press- "Shankar," c.1910's.jpg — ravi varma press, Public domain, via Wikimedia Commons.

WhatsUp मराठी वर — प्रत्यक्ष भेट

हेही वाचा