मुख्य मजकुराकडे जा
WhatsUp मराठी कोश
—
लवथवती विक्राळा

भक्ती

लवथवती विक्राळा

Lavthavati Vikrala

रचना — समर्थ रामदास · १६०८–१६८१

लवथवती विक्राळा ब्रह्मांडी माळा ।विषे कंठ काळा त्रिनेत्री ज्वाळा ।लावण्य सुन्दर मस्तकी बाळा ।तेथुनिया जळ निर्मळ वाहे झुळझुळा ॥ जय देव
जय देव जय देव जय श्री शंकरा ।आरती ओवाळू तुज कर्पूरगौरा ॥ जय देव
कर्पूरगौरा भोळा नयनी विशाळा ।अर्धांगी पार्वती सुमनांच्या माळा ।विभुतीचे उधळण शितकंठ नीळा ।ऐसा शंकर शोभे उमावेल्हाळा ॥ जय देव
देवी दैत्य सागर मंथन पै केले ।त्यामाजी अवचीत हलहल जे उठले ।ते त्वा असुरपणे प्राशन केले ।नीळकंठ नाम प्रसिद्ध झाले ॥ जय देव
व्याघ्रांबर फणिवरधर सुंदर मदनारी ।पंचानन मनमोहन मुनिजन सुखकारी ।शतकोटीचे बीज वाचे उच्चारी ।रघुकुळटिळक रामदासा अंतरी ॥ जय देव

शब्दार्थ

या भागात येणारे जुने मराठी शब्द.

तुज
— तुला

ओळीवर टॅप केल्यास ती ठळक होते — कुठे आहात ते सापडावे म्हणून.

चित्र: A version from the Ravi Varma press- "Shankar," c.1910's.jpg — ravi varma press, Public domain, via Wikimedia Commons.

WhatsUp मराठी वर — प्रत्यक्ष भेट

हेही वाचा

स्रोत — मराठी आरती संग्रह (मुद्रित)