
भक्ती
श्रीकृष्णाची भूपाळी
shrikrishnachi bhupali
सारांश
गोपाळाला गाईंकडे जाण्यासाठी उठवणारी भूपाळी. निशा लोपली, शशी मंद झाला, कमळे उमलली — आणि सोबती वाट पाहत आहेत. शेवटी देवनाथ ही नाममुद्रा.
ऊठि गोपाळजी! जाइ धेनुकडे ।पाहती सौंगडे वाट तूझी ॥ ध्रु. ॥
लोपली हे निशी मंद झाला शशी ।मुनीजन मानसी ध्याति तुजला ॥ १ ॥
भानु-उदयाचळी तेज पुंजाळले ।विकसती कमळे उदकावरी ॥ २ ॥
धेनुवत्से तुला बाहती माधवा ।ऊठि गा यादवा उशिर झाला ॥ ३ ॥
ऊठि पुरुशोत्तमा वाट पाहे रमा ।दावि मुखचंद्रमा सकळिकांसी ॥ ४ ॥
कनकपात्रांतरी दीपरत्ने बरी ।ओंवाळिती सुंदर तूजलागी ॥ ५ ॥
जन्मजन्मांतरी दास होऊ हरी ।बोलती वैखरी भक्त तुझे ॥ ६ ॥
कृष्णकेशव करी चरणांबुज धरी ।ऊठि गा श्रीहरी मायबापा ॥ ७ ॥
जाग रे जाग बापा । विश्वपालका कृष्णा ।दीन आम्ही उभे द्वारी । आमुची बोळवी तृष्णा ॥ ध्रु. ॥
त्रासलो प्रपंची या । बहु कष्टलो भारी ।म्हणवूनि शरण आलो । विभो तुझिया द्वारी ॥ १ ॥
सांग बा न्यून काय । हरि तुझिया भांडारी ।याचक भीक मागे । प्रेम दीई झडकरी ॥ २ ॥
गुरुकृपे उदयो झाला । हरि उदया आला ।सुख ते काय सांगू । जिवलग भेटला ॥ ३ ॥
श्रीगुरुनाथराया । कृपासिंधु गोविंदा ।देवनाथ प्रार्थिताहे । प्रभुपदारविंदा ॥ ४ ॥
ओळीवर टॅप केल्यास ती ठळक होते — कुठे आहात ते सापडावे म्हणून.
चित्र: Krishna as Envoy, by Raja Ravi Varma.jpg — Raja Ravi Varma, Public domain, via Wikimedia Commons.
WhatsUp मराठी वर — प्रत्यक्ष भेट
हेही वाचा

घनश्याम श्रीधराची भूपाळी
कृष्णघनश्याम सुंदरा श्रीधरा अरुणोदय झाला
ghanashyama shridharachi bhupali

संतांची भूपाळी
कृष्णउठि उठि बा पुरुषोत्तमा भक्तकामकल्पद्रुमा
santanchi bhupali

आरती भुवनसुंदराची
कृष्णआरती भुवनसुंदराची इंदिरावरा मुकुंदाची धृ
Aarti Bhuvansundarachi

गणपतीची भूपाळी
गणपतीउठा उठा हो सकळीक वाचे स्मरावा गजमुख
ganapatichi bhupali

शंकराची भूपाळी
शंकरधवळे भोळे चक्रवर्ती धवळे अलंकार शोभती
shankarachi bhupali

रामाची भूपाळी
रामउठोनिया प्रातःकाळी जपा रामनामावळी
ramachi bhupali