मुख्य मजकुराकडे जा
WhatsUp मराठी कोश
—
युगे अठ्ठावीस

भक्ती

युगे अठ्ठावीस

Yuge Atthavis

रचना — संत नामदेव · १२७०–१३५०

युगे अठ्ठावीस विटेवरी ऊभा ।वामांगी रखुमाई दिसे दिव्य शोभा ।पुंडलिकाचे भेटी परब्रह्म आले गा ।चरणी वाहे भीमा उद्धरी जगा ॥
जय देव जय देव जय पांडुरंगा ।रखुमाई वल्लभा राईच्या वल्लभा पावे जिवलगा ॥ जय देव
तुळसी माळा गळा कर ठेवुनी कटी ।कासे पितांबर कस्तुरी लल्लाटी ।देव सुरवर नित्य येती भेटी ।गरुड हनूमंत पुढे उभे राहती ॥ जय देव
धन्य वेणुनाद अनुक्षेत्रपाळा ।सुवर्णाची कमळे वनमाळा गळा ।राई रखुमाबाई राणीया सकळा ।ओवाळू आरत्या विठोबा सावळा ॥ जय देव
ओवाळू आरत्या कुरवंड्या येती ।चंद्रभागेमध्ये सोडुनिया देती ।दिंड्या पताका वैष्णव नाचती ।पंढरीचा महिमा वर्णावा किती ॥ जय देव
आषाढी कार्तिकी भक्तजन येती ।चंद्रभागेमध्ये स्नान जे करती ।दर्शन हेळामात्रे तया होय मुक्ती ।केशवासी नामदेव भावे ओवाळिती ॥ जय देव

शब्दार्थ

या भागात येणारे जुने मराठी शब्द.

तया
— त्याला, त्या

ओळीवर टॅप केल्यास ती ठळक होते — कुठे आहात ते सापडावे म्हणून.

चित्र: Rakhumai, Pandharpur Vitthal temple.jpg — Pointn, CC0, via Wikimedia Commons.

WhatsUp मराठी वर — प्रत्यक्ष भेट

हेही वाचा

स्रोत — मराठी आरती संग्रह (मुद्रित)