
भक्ती
दशावतारांची भूपाळी
dashavataranchi bhupali
सारांश
एक अवतार एक चरण — मत्स्य, कूर्म, वराह, नरसिंह असे क्रमाने दहा अवतार सांगत जाणारी भूपाळी. प्रातःकाळी हे स्मरण केल्यास भवसागर तरून जाता येतो, असा शेवट. ‘दास म्हणे’ ही नाममुद्रा.
जन म्हणा हो श्रीहरि । प्रातःकाळी स्मरण करी ।तेणे तराल भवसागरी । हा निर्धार भंरवसा ॥ ध्रु ॥
वेद नेले निशाचरी । मत्स्यरुप झाले हरी ।कार्य ब्रह्मयाचे करी । शंखासुर वधोनिया ॥ १ ॥
दैत्य मातले भूमंडळी । पृथ्वी नेली रसातळी ।कूर्मरुपी हो वनमाळी । पृष्ठी धरिली मेदिनी ॥ २ ॥
मही डळमळी पहा हो । देव झाले वराह हो ।मग वधियेले दैत्य दानवो । पृथ्वी दाढे धरोनिया ॥ ३ ॥
पुत्र पित्याने गांजिला । तो हा नरहरि स्मरता झाला ।स्तंभी अवतार धरियेला । भक्त रक्षिला प्रह्लादा ॥ ४ ॥
याग करिता झाला बळी । इंद्र कांपिन्नला चळचळी ।वामनरुपी हो वनमाळी । धाली पाताळी बळीराजा ॥ ५ ॥
रेणुके उदरी भार्गव झाले । राजे समस्त संहारिले ।राज्य ब्राह्मणा दीधले । सुखी केले भूदेव ॥ ६ ॥
सूर्यवंशी रघुनंदन । वानर सैन्य मिळवून ।सागर पाषाणी बांधून । संहारिले राक्षसा ॥ ७ ॥
कारागृही अवतरले । श्रीकृष्ण गोकुळी वाढिन्नले ।कंसचाणूर मर्दिले । राज्य स्थापिले उग्रसेना ॥ ८ ॥
बौद्ध अवतार धरियेला । जन हा बहुत कष्टी झाला ।मग कलीस वरा दीधला । आपण राहिले निद्रिस्थ ॥ ९ ॥
पुढे कलंकी होणार । ऐसा शास्त्राचा निर्धार ।मग फिरेल भवसंदेह । या हो विश्वजनाचा ॥ १० ॥
दशावतारांची भूपाळी नित्यस्मरा प्रातःकाळी ।दास म्हणे हो भूमंडळी भाग्यवंत होतील ॥ ११ ॥
ओळीवर टॅप केल्यास ती ठळक होते — कुठे आहात ते सापडावे म्हणून.
चित्र: Rakhumai, Pandharpur Vitthal temple.jpg — Pointn, CC0, via Wikimedia Commons.
हेही वाचा

गंगेची भूपाळी
सर्वसामान्यउठोनियां प्रातःकाळीं वदनीं वदा चंद्रमौळी
gangechi bhupali

नद्यांची भूपाळी
सर्वसामान्यप्रातःकाळी प्रातःस्नान घडे केलिया स्मरण
nadyanchi bhupali

घालीन लोटांगण
सर्वसामान्यघालीन लोटांगण वंदीन चरण
Ghalin Lotangan

श्री आत्मारामाची आरती
सर्वसामान्यनानादेहीं देव एक विराजे
Shri Atmaramachi Aarti

गणपतीची भूपाळी
गणपतीउठा उठा हो सकळीक वाचे स्मरावा गजमुख
ganapatichi bhupali

शंकराची भूपाळी
शंकरधवळे भोळे चक्रवर्ती धवळे अलंकार शोभती
shankarachi bhupali