नवरात्र

देवीच्या नऊ रूपांची नऊ रात्री उपासना. घरात घटस्थापना करून रोज माळ चढवली जाते आणि अखंड दीप तेवत ठेवला जातो.

महाराष्ट्रात देवीची साडेतीन शक्तिपीठे — कोल्हापूरची महालक्ष्मी, तुळजापूरची भवानी, माहूरची रेणुका आणि वणीची सप्तशृंगी — या काळात गजबजून जातात.

याच दिवसांत मुली भोंडला किंवा हादगा खेळतात. दहाव्या दिवशी दसरा — सीमोल्लंघन आणि आपट्याची पाने वाटण्याचा दिवस.